İnfrastruktur

Rayonda vacib infrastruktur obyektləri

Lerik şəhərində mərkəzi xəstəxana, rayon elektrik şəbəkəsi 17 MVT-lıq elektrik stansiyası, su-kanalizasiya və qaz sahələri, 3 tam orta məktəb, 1 inteqrasiya təlimli internat tipli gimnaziya, texniki peşə məktəbi, uşaq incəsənət məktəbi, mədəniyyət mərkəzi, Tarix diyarşünaslıq muzeyi, “Uzunömürlülüər” muzeyi, Bayraq muzeyi, Heydər Əliyev Mərkəzi, Rəsm Qalereyası, Stadion, Telekommunikasiya Qovşağı, Poçt, “Kapital” bankın rayon filialı fəaliyyət göstərir.

Gələcəkdə görüləcək infrastruktur layihələri

Peştətük kəndində süfrə suları və şirə istehsal edən müəssisənin tikintisində hörgü və metal konstruksiya işləri tamamlanmış, əraziyə su xətti çəkilmişdir. Tikinti işləri davam etdirilir.
39 km-lik Lerik-Masallı, 36 km-lik Lerik-Yardımlı yolunun tikintisi üçün Nazirlər Kabinetinə, Nəqliyyat Nazirliklərinə müraciətlər edilmişdir.  Lerik-Masallı yolunun tikintisi Bakı və respublikanın digər şəhərlərinə məsafənin 60-70 km qısalmasına şərait yaradacaqdır.
Lerik şəhərində idman sağlamlıq mərkəzinin, avtovağzalın tikintisi nəzərdə tutulmuşdur.
Lerik rayonunun Kəlvəz kəndi yaxınlığından İran İslam Respublikasına sadələşdirilmiş keçid məntəqəsinin açılması üçün əlaqədar yuxarı dövlət orqanlarına müraciətlər edilmişdir.
Rayon ərazisində 4 modul məktəbin tikintisində və 3 kənddə qazlaşma işi davam etdirilir.
Bundan başqa ərazilərdə xəstəxanaların, digər səhiyyə ocaqlarının, mədəniyyət müəssisələrinin tikilməsi üçün əlaqədar orqanlara rayon icra hakimiyyəti tərəfindən müraciətlər edilmişdir.