Vətən müharibəsi şəhidi Orxan Dənziyevin xatirəsi yad edilib
15 oktyabr 2022-ci il tarixində Vətən müharibəsi şəhidi Dənziyev Orxan Mübariz oğlunun şəhadətinin ikinci ildönümündə rayon icra hakimiyyəti başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və kənd sakinləri ilə birlikdə şəhidin Laman kəndində məzarını və əziz xatirəsinə inşa edilmiş bulaq kompleksini ziyarət edib, üzərinə gül dəstələri düzərək xatirəsini ehtiramla ediblər.
Eyni zamanda kənd qəbiristanlığında ölkəmizin ərazi bütövlüyü uğrunda canını fəda etmiş şəhid Fuad Liftiyevin məzarı ziyarət edilib, üzərinə gül dəstələri düzülüb.
Sonra rayon icra hakimiyyəti başçısı Ə.Abbasov şəhidin ailəsinin yaşadığı evə gələrək şəhid ailə üzvləri ilə söhbət etmiş, onların qayğı və problemləri ilə maraqlanıb.
Şəhidin atası Mübariz Dənziyev şəhid ailələrinə göstərilən diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya minnətdarlığını bildirib.
