Vətən müharibəsi şəhidi Orxan Dənziyevin şəhadətinin 4-cü ildönümü anılıb
15 oktyabr 2024-cü il tarixində Vətən müharibəsi şəhidi, əsgər Dənziyev Orxan Mübariz oğlunun şəhadətinin dördüncü ildönümündə rayon icra hakimiyyəti başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və kənd sakinləri ilə birlikdə şəhidin Laman kəndində məzarı üzərinə gül dəstələri düzərək əziz xatirəsini ehtiramla yad edib, ruhuna dualar oxuyublar.
Eyni zamanda kənd qəbiristanlığında ölkəmizin ərazi bütövlüyü uğrunda canlarını fəda etmiş Xanmədov Tofiq Lifti oğlu və Abbasov Zaid Ziyad oğlunun məzarları ziyarət olunub, üzərinə gül dəstələri düzərək xatirələri ehtiramla yad edilib.
Rayon icra hakimiyyətinin başçısı Ə.Abbasov mərasimlərdə iştirak edən şəhid ailə üzvləri ilə görüşüb, onlarla səmimi söhbət edib, qayğı və problemləri ilə maraqlanıb.
Şəhid Orxan Dənziyev Azərbaycan Respublikası Prezidentinin müvafiq Sərəncamları ilə "Vətən uğurunda", “Suqovuşanın azad olunmasına görə” və “Ağdamın azad olunmasına görə” medalları ilə təltif olunmuşdur.
