Vətən müharibəsi şəhidi, Əhədov Tural Rahil oğlunun xatirəsi yad edilib
Vətən müharibəsi şəhidi, Xüsusi Təyinatlı qüvvələrin zabiti, baş leytenant Əhədov Tural Rahil oğlu şəhadətinin ikinci ildönümündə anılıb.
Rayon İcra Hakimiyyəti başçısı Əkbər Abbasov, RİH başçısı aparatının məsul əməkdaşları, rayonun hüquq-mühafizə orqanlarının rəhbərləri, kənd sakinləri və şəhidin ailə üzvlərinin iştirakı ilə Vətən müharibəsi şəhidinin şəhadət günündə əziz xatirəsi dərin hörmət və ehtiramla yad olunub, məzarı üzərinə gül-çiçək dəstələri düzülüb.
Əhədov Tural Rahil oğlu Kəlbəcər, Cəbrayıl və Şuşa şəhərlərinin işğaldan azad olunmasında xüsusi rəşadət, şücaət və qəhrəmanlıq göstərib.
Qeyd edək ki, şəhid Tural Əhədov 3-cü dərəcəli “Rəşadət” ordeni, “Vətən uğrunda”, “İgidliyə görə”, “Cəbrayılın azad olunmasına görə”, “Xocəvəndin azad olunmasına görə”, “Kəlbəcərin azad olunmasına görə” və “Şuşanın azad olunmasına görə” medalları ilə təltif olunub.
