Vətən müharibəsi şəhidi Cavadov Cəlilin şəhadətinin 4-cü ildönümü anılıb
Vətən müharibəsi şəhidi, kapitan Cavadov Cəlil Ağaddin oğlunun şəhadətinin dördüncü ildönümündə rayon icra hakimiyyəti başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və kənd sakinləri ilə birlikdə şəhidin məzarını ziyarət edib, xatirəsini ehtiramla yad ediblər.
Eyni zamanda kənd qəbiristanlığında torpaqlarımızın ərazi bütövlüyü uğrunda şəhid olan Əliyev Namik Rəcəbli oğlunun məzarı ziyarət olunub.
Rayon icra hakimiyyəti başçısı Ə.Abbasov şəhidin ailə üzvləri ilə səmimi söhbət edib, onların qayğı və problemləri ilə maraqlanıb.
Şəhid Cəlil Cavadov ölümündən sonra Azərbaycan Respublikası Prezidentinin müvafiq Sərəncamları ilə 3-cü dərəcəli “Rəşadət” ordeni və "Vətən uğurunda", “İgidliyə görə”, “Xocavəndin azad olunmasına görə”, “Füzulinin azad olunmasına görə” medalları ilə təltif olunmuşdur.
