Vətən müharibəsi şəhidi “Azərbaycan Bayrağı” ordenli Tərzan Haşımovun xatirəsi anılıb
Lerik Rayon İcra Hakimiyyətinin başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və kənd sakinləri ilə birlikdə Vətən müharibəsi şəhidi, rayonun Bibiyani kəndində “Azərbaycan Bayrağı” ordenli Həşimov Tərzan Qəhrəman oğlunun şəhadətə qovuşmasının dördüncü ildönümü ilə əlaqədar məzarı ziyarət olunub, xatirəsi ehtiramla yad edilib, ruhuna dualar oxunub.
Eyni zamanda Bibiyani kənd qəbiristanlığında Vətən müharibəsi şəhidi Fərziyev Balaş İltizam oğlunun məzarı ziyarət edilib.
Sonra rayon icra hakimiyyəti başçısı Ə.Abbasov şəhidin ailəsinin yaşadığı evə gələrək şəhid ailə üzvləri ilə söhbət edib, onların qayğı və problemləri ilə maraqlanıb.
Şəhid Tərzan Haşımov Azərbaycan Respublikası Prezidentinin müvafiq Sərəncamları ilə “Azərbaycan Bayrağı” ordeni və "Vətən uğurunda", “Cəsur döyüşçü”, “Cəbrayılın azad olunmasına görə”, “Fizulinin azad olunmasına görə” medalları ilə təltif olunmuşdur.
