Vətən müharibəsi şəhidi Ağamid Ağacəfərlinin şəhadətinin 4-cü ildönümü anılıb
25 oktyabr 2024-cü il tarixində Lerik şəhərində Vətən müharibəsi şəhidi Ağacəfərli Ağamid Şirzaid oğlunun şəhadətinin dördüncü ildönümündə rayon icra hakimiyyəti başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və şəhər sakinləri ilə birlikdə şəhidin məzarı üzərinə gül dəstələri düzərək xatirəsini ehtiramla yad edib, ruhuna dualar oxuyublar.
Rayon icra hakimiyyətinin başçısı Ə.Abbasov mərasimlərdə iştirak edən şəhid ailə üzvləri ilə görüşüb, onlarla səmimi söhbət edib, qayğı və problemləri ilə maraqlanıb.
Şəhid Ağamid Ağacəfərli Azərbaycan Respublikası Prezidentinin müvafiq Sərəncamları ilə "Vətən uğurunda", “Cəsur döyüşçü”, “Xocavəndin azad olunmasına görə” və “Füzulinin azad olunmasına görə” medalları ilə təltif olunmuşdur.
