Şəhidlərimizin xatirəsi yad edilib

30 oktyabr 2024-cü il tarixində Vətən müharibəsi şəhidlərinin, rayonun Lerik şəhərində Mövlanov Altay Tahir oğlunun, Orand kəndində Abdulov İdrət İbi oğlunun, Kəlvəz kəndində Tağıyev Ramiq Teymur oğlunun və Biləvər kəndində Azadlı Zabil Tələt oğlunun şəhadətə qovuşmasının dördüncü ildönümü ilə əlaqədar anım mərasimi keçirilib.

Anım mərasimlərində Lerik Rayon İcra Hakimiyyətinin başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və ictimaiyyət nümayəndələri iştirak ediblər.

Rayon icra hakimiyyətinin başçısı Ə.Abbasov mərasimlərdə iştirak edən şəhid ailə üzvləri ilə görüşüb, onlarla səmimi söhbət edib, qayğı və problemləri ilə maraqlanıb.

Azərbaycan Respublikası Prezidentinin müvafiq Sərəncamları ilə şəhid Ramiq Tağıyev “Azərbaycan Bayrağı” ordeni və "Vətən uğurunda", “İgidliyə görə”, “Cəbrayılın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Şuşanın azad olunmasına görə” medalları, şəhid Altay Mövlanov 3-cü dərəcəli “Vətənə xidmətə görə” ordeni və "Vətən uğurunda", “Cəsur döyüşçü”, “Xocavəndin azad olunmasına görə”, “Füzulinin azad olunmasına görə” medalları, şəhid İdrət Abdulov "Vətən uğurunda", “Suqovuşanın azad olunmasına görə”, “Laçının azad olunmasına görə” medalları, şəhid Zabil Azadlı "Vətən uğurunda", “İgidliyə görə” və “Füzulinin azad olunmasına görə” medalları ilə təltif olunublar.