Şəhidlərimiz Elqaş Əliyev və Tural Əhmədovun anım günündə məzarları ziyarət edilib
05 noyabr 2024-cü il tarixində Lerik Rayon İcra Hakimiyyətinin başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və ictimaiyyət nümayəndələri ilə birlikdə vətən torpaqlarının işğaldan azad edilməsi uğrunda canından keçən igid oğullarımızdan rayonun Brkandul kəndində Əliyev Elqaş Barat oğlunun şəhadətə qovuşmasının dördüncü ildönümü və Ambu kəndində Əhmədov Tural Əkrəm oğlunun şəhadətə qovuşmasının üçüncü ildönümü ilə əlaqədar məzarları ziyarət olunub, üzərlərinə gül dəstələri düzərək əziz xatirələri ehtiramla yad edilib.
Eyni zamanda Ambu kəndində Vətən müharibəsi şəhidi Rəhmətov Əbülfəz Hüseynverdi oğlunun, Brkandul kəndində I Qarabağ müharibəsinin şəhidləri Həsənov Zaid Şahverdi oğlu və Nəciyev Ənvər Xosaxan oğlunun məzarları ziyarət olunub.
Rayon icra hakimiyyətinin başçısı Ə.Abbasov mərasimlərdə iştirak edən şəhid ailə üzvləri ilə görüşüb, onlarla səmimi söhbət edib, onların qayğı və problemləri ilə maraqlanıb.
Şəhid Elqaş Əliyev Azərbaycan Respublikasının Prezidenti cənab İlham Əliyevin müvafiq Sərəncamları ilə “Vətən uğrunda”, “Xocavəndin azad olunmasına görə”, “Füzulinin azad olunmasına görə” və “Laçının azad olunmasına görə” medalları ilə təltif olunmuşdur.
