Şəhid Babazadə Babazeynalın əziz xatirəsi anılıb
08 oktyabr 2024-cü il tarixində Lerik Rayon İcra Hakimiyyətinin başçısı Əkbər Abbasov, rayonun hüquq-mühafizə orqanlarının, idarə, müəssisə və təşkilat rəhbərləri və ictimaiyyət nümayəndələri ilə birlikdə Aşağı Amburdərə kəndində Vətən müharibəsi şəhidi əsgər Babazadə Babazeynal Maqsud oğlunun şəhadətə qovuşmasının dördüncü ildönümü ilə əlaqədar məzarı üzərinə gül dəstələri düzərək əziz xatirəsini ehtiramla yad edib.
Eyni zamanda Amburdərə kəndində torpaqlarımızın ərazi bütövlüyü uğrunda şəhid olan Abdullayev Gülməmməd Şıxməmməd oğlunun məzarı ziyarət olunub.
Rayon icra hakimiyyətinin başçısı Ə.Abbasov mərasimlərdə iştirak edən şəhid ailə üzvləri ilə görüşüb, onlarla səmimi söhbət edib, qayğı və problemləri ilə maraqlanıb.
Babazadə Babazeynal Azərbaycan Respublikasının Prezidenti İlham Əliyevin sərəncamına əsasən "İgidliyinə görə", "Laçının azad olunması uğrunda, "Suqovuşanın azad olunması uğrunda" və “Vətən uğrunda” medalları ilə təltif edilib.
