IV Bakı Beynəlxalq Humanitar Forumun iştirakçılarının bir qrupu Lerik rayonunda olub
05 oktyabr 2014 | 15:00
Dördüncü Bakı Beynəlxalq Humanitar Forumunun iştirakçılarının bir qrupu 05 oktyabr 2014-cü il tarixdə Lerik rayonuna gəlmişlər.
Beynəlxalq Forumun iştirakçıları Lerik Rayon Tarix-Diyarşünaslıq və “Uzunömürlülər” muzeyi və “Xəlifə Zəkəriyyə Türbəsi” ilə tanış olmuşlar. Qonaqlara rayonun tarixi, mədəniyyəti, iqtisadiyyatı, rayonda aparılan tikinti-quruculuq işləri haqqında məlumat verilmişdir.
Forumun iştirakçıları ölkəmizin cənub bölgəsinin təbiətinə heyran qaldıqlarını, rayonla tanışlıqdan məmnunluqlarını bildiriblər.
Daha sonra qonaqlar rayonumuzun turizm potensialı ilə yaxından tanış olmaq məqsədi ilə “Relax” turizm və istirahət mərkəzində olmuşlar.
Keçidlər
