Şriftin ölçüsü :

Saytın rəngi :

İcra Hakimiyyəti
Qaynar xətt: (025) 274-45-81 / (025) 274-63-02

Şəhid ailələrinə və qazilərə dövlət tərəfindən hər zaman yüksək diqqət göstərilir

22 dekabr 2020 | 16:00

“Əmək pensiyaları haqqında” Azərbaycan Respublikası Qanununun 19-cu maddəsinin ləğv edilməsi barədə təkliflər 2021-ci ilin büdcə zərfinə daxil edilmişdir. “Əmək pensiyaları haqqında” Qanunun 19-cu maddəsində nəzərdə tutulan əmək pensiyasının sığorta hissəsinə əlavələr pensiya təminatı sistemində sosial sığorta prinsiplərini zəiflədir və həmin əlavələrin maliyyələşdirilməsi prosesi həddən artıq mürəkkəbdir. Bu məqsədlə həmin maddədə əks olunmuş pensiya əlavələrinin ləğv edilərək Azərbaycan Respublikası Prezidentinin təqaüdləri ilə birləşdirilməsi, ikisinin əvəzinə, müvafiq olaraq yeni Prezident təqaüdlərinin təsis edilməsi təklif olunur. Pensiya əlavələrinin ləğv edilərək, Prezident təqaüdlərinin artırılması həmin pensiya və Prezident təqaüdləri alan şəxslərin sosial rifahının yaxşılaşdırılmasına təsir edəcək, eyni zamanda bu növ sosial təyinatların elektron icrasını sürətləndirəcəkdir.
“Əmək pensiyaları haqqında” Qanunun ləğv edilməsi ilə əlaqədar normativ hüquqi aktlarda aşağıdakı dəyişikliklərin edilməsi zəruridir:
“Sosial müavinətlər haqqında” Azərbaycan Respublikasının Qanununa müvafiq dəyişikliklər: Ötən ildən qanunvericilik islahatları çərçivəsində başlanmış sosial müavinətlərin məbləğlərinin optimallaşdırılması və növlərinin unifikasiya edilməsinin davam olaraq şəhid ailəsi üzvlərinə, şəhid uşaqlarına, Müharibə, 1990-cı il 20 Yanvar və Çernobıl AES qəzası əlillərinin uşaqlarına ödənilən sosial müavinətlər ləğv edilərək, müvafiq kateqoriya üzrə Prezident təqaüdlərinin məbləğinin artırılması təklif olunur.
Azərbaycanın Milli Qəhrəmanı adı verilmiş şəxslərə Azərbaycan Respublikası Prezidentinin təqaüdünün məbləğinin artırılması ilə əlaqədar Azərbaycan Respublikası Prezidentinin müvafiq Fərmanına dəyişiklik: Prezident təqaüdünün məbləğinin 1500 manatdan 1800 manatadək artırılması təklif olunur.
Şəhid ailəsi üçün Azərbaycan Respublikası Prezidentinin təqaüdünün məbləğinin artırılması ilə əlaqədar Azərbaycan Respublikası Prezidentinin müvafiq Fərmanına dəyişiklik: şəhid ailəsi üçün (Əfqanıstanda həlak olanlar və 20 Yanvar şəhidləri daxil olmaqla) AR Prezidentinin təqaüdünün məbləğinin 300 manatdan 500 manatadək artırılması təklif olunur (bu şəxslər təqaüdlə yanaşı aylıq əsasda müavinət və ya pensiya da alırlar).
Müharibə və ya 1990-cı ilin 20 Yanvar hadisələri ilə əlaqədar əlilliyi olan şəxslərə Azərbaycan Respublikası Prezidentinin təqaüdünün məbləğinin artırılması ilə əlaqədar Azərbaycan Respublikası Prezidentinin müvafiq Fərmanına dəyişiklik: müharibə ilə əlaqədar I dərəcə əlilliyi olan şəxslərə Prezident təqaüdünün məbləğinin 250 manatdan 400 manatadək, II dərəcə əlilliyi olan şəxslərə Prezident təqaüdünün məbləğinin 230 manatdan 350 manatadək, III dərəcə əlilliyi olan şəxslərə Prezident təqaüdünün məbləğinin 210 manatdan 300 manatadək artırılması təklif olunur (bu şəxslər təqaüdlə yanaşı, aylıq əsasda müavinət və ya pensiya da alırlar).
Ümumi səbəblərdən I dərəcə əlilliyi olan şəxslərə Azərbaycan Respublikası Prezidentinin təqaüdünün məbləğinin artırılması ilə əlaqədar Azərbaycan Respublikası Prezidentinin müvafiq Fərmanına dəyişiklik: ümumi səbəblərdən I dərəcə əlilliyi olan şəxslərə Prezident təqaüdünün 100 manatdan 130 manatadək artırılması təklif olunur (bu şəxslər də təqaüdlə yanaşı, aylıq əsasda müavinət və ya pensiya da alırlar).
Böyük Vətən Müharibəsi iştirakçılarına Azərbaycan Respublikası Prezidentinin təqaüdünün məbləğinin artırılması ilə əlaqədar Azərbaycan Respublikası Prezidentinin müvafiq Sərəncamına dəyişiklik: Böyük Vətən Müharibəsi iştirakçılarına Prezident təqaüdünün məbləğinin 150 manatdan 300 manatadək artırılması təklif olunur (bu şəxslər də təqaüdlə yanaşı, aylıq əsasda müavinət və ya pensiya da alırlar).
“Əmək pensiyaları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanunu layihəsinin qəbul edilməsi ilə (19-cu maddənin ləğvi) qəbul edilməsi zərurəti yaranan normativ hüquqi aktlar aşağıdakı kimidir:
I dərəcə gözdən əlilliyi olan şəxslərə yeni növ Prezident təqaüdünün təsis edilməsi: ümumi səbəblərdən I dərəcə gözdən əlilliyi olan şəxslərə 110 manat məbləğində pensiya əlavəsinin və 100 manat məbləğində Prezident təqaüdünün ləğv edilərək, həmin şəxslər üçün 210 manat məbləğində yeni növ Prezident təqaüdünün təsis edilməsi təklif olunur;
“Əsas iş yeri üzrə elmi müəssisə və təşkilatlarda və ya təhsil müəssisələrində azı 25 il çalışmış elmi dərəcəsi olan işləməyən əmək pensiyası hüququ olan şəxslərə “Azərbaycan Respublikası Prezidentinin təqaüdü”nün təsis edilməsi: bu şəxslər üzrə (Qanunun 20-ci maddəsinə əsasən qulluq stajına görə əmək pensiyasına əlavələr təyin edilmiş əmək pensiyaçıları istisna olmaqla) 120 manat (fəlsəfə doktorları) və 200 manat (elmlər doktorları) məbləğində pensiya əlavəsini ləğv edərək, onun əsasında eyni məbləğlərdə yeni növ Prezident təqaüdünün təsis edilməsi təklif olunur.
Beləliklə, həmin Qanunun 19.1.1, 19.1.3, 19.1.5 və 19.1.8-ci maddələri üzrə mövcud təyinatlarda pensiya əlavəsi ödənişinin davam etdirilməsi və Azərbaycanın Milli Qəhrəmanlarının ailə üzvlərinə 110 manat, şəhidlərin ailə üzvlərinə 93,5 manat, öhdəsində əmək qabiliyyəti olmayan ailə üzvləri olan işləməyən I və II dərəcə əlilliyi olan şəxslərə və ya sağlamlıq imkanları məhdud 18 yaşınadək şəxslərə, həmçinin öhdəsində ailə başçısını itirməyə görə pensiya ilə təmin edilməli şəxslərə aid edilən əmək qabiliyyətsiz ailə üzvləri olan işləməyən hərbi qulluqçular sırasından olan əmək pensiyaçılarına ailənin əmək qabiliyyəti olmayan hər üzvünə, siyasi repressiyaya məruz qalaraq sonradan bəraət qazanmış şəxslərə, Böyük Vətən müharibəsi iştirakçıları və bununla əlaqədar əlilliyi olan şəxslərə pensiya əlavəsinin ödənişinin davam etdirilməsi təklif olunur.

Keçidlər